Sanferminetako egitarauan ere krisia nabarituko da aurtengoan

Manolo Escobar, Fangoria eta Siniestro Total izango dira musika emanaldi garrantzitsuenak. 4 milioi euro erabiliko ditu Udalak jaiak prestatzeko.

Data: 08-06-2009

Aurtengo Sanferminetarako programak aurrekontu murrizagoa izango du, krisiaren eraginez, aurreko udarekin alderatuz. Udalak 4 milioi euroko aurrekontua prestatu du uztailaren 6ean hasi eta 14ean bukatuko diren San Ferminak ospatzeko.

Hauetatik 2,8 milioi kultur ekitaldiak ordaintzeko izango dira. Gainerakoa, berriz, segurtasuna eta garbitasun zerbitzuetan erabiliko dute.

Yolanda Barcina Iruñeko alkateak aurkeztu du gaur aurtengo programa. Izango diren kontzertuen artean Manolo Escobar, Kepa Junkera, Fangoria. Lucas Masciano, Krakovia edota Siniestro Total nabarmendu ditu Barcinak.

Guztira, 590 bat ekitaldi izango ditu aurtengo egitarau ofizialak, gehiengoak musika ekimenak. Etxeko taldeei egotzi zaie emanaldi eta musika kontzertu gehien, alkateak nabarmendu duenez. Udala joan den astean entzierroetarako hesia jartzen hasi zen

0 iruzkinak: