EHUko udako ikastaroetan, krisialdia ardatz

Donostiako Miramar Jauregian egingo dituzten ikastaroetan 6.000 ikasle egotea aurreikusi dute antolatzaileek.

Data: 20-05-2009

EHUren udako ikastaroak egiteko aurrekontua beste urte batzuen antzekoa izango da eta hasiera batean matrikulen prezioak jaistea proposatu zuten arren, azkenean aurreko urteetako prezioei eutsiko diete. Helburua hala ere, ikastaroen mailari eustea izango da.

Donostiako Miramar jauregian ekainaren 22an hasi eta irailaren 11ra arte egingo dituzten ikastaroetan 6.000 ikasle espero dituzte

Ikastaroetan krisia atal guztietatik jorratuko da, etxebizitza politikan duen eragina, ingurugiroa, arlo publikoaren egitekoak edo kazetaritza ekonomikoaren eragina.

Orotara, 6.000 ikaslek eta 800 bat irakaslek parte hartuko dute antolatu dituzten 97 jardueratan. Guztietatik, zortzi izango dira euskaraz. Ekainaren 22an hasi eta irailaren 11rarte.

Aurten ahalegin berezia egin behar izan dute aurrekontuak mantentzeko, 1.400.000, alegia.

Bizi dugun egoera aintzat hartuta, krisia ardatzetako bat izango da ikastaroetan.

Hain zuzen ere, krisiaz mintzatzeko, Jaques Delors Europako Batzordeko presidente ohia izango da ikastaroetan.

Gainera, Bernabe Teirno psikologoa adimenaren indarrraz jardungo da, Eduardo Estivil medikuak loaren inguruan hitz egingo du eta Pedro Miguel Etxenikek zientziari bruuzko ikastaroa emango du inglesez.

Guzti hauez gain, Miramar Jauregian, besteak beste berdintasuna, depresioa, eskola jazarpena eta dibortzioak landuko dituzte.

0 iruzkinak: