Eusko Jaurlaritza eta EHU, Euskadiko Zientzia Parkearen alde

Leioan kokatuko dute. Lanak urte amaieran hasiko direla uste dute eta 190 milioiko inbertsioa izango du.

Data: 28-05-2009

Industria eta Hezkuntza eta Unibertsitate eta Ikerketa Saialen bitartez Eusko Jaurlaritzak 35 milioi euro emango ditu Euskal Herriko Unibertsitateko (EHU) Euskadiko lehen Zientzia Parkea sortzeko. Iñaki Goirizelaia errektoreak eta Isabel Celaa sailburuak esan dutenez, "unibertsitatearentzat eta herriarentzat proiektu estrategikoa" da hau.

Gaur EHUk ospatutako Gobernu Kontseiluan onartu du laster Bizkaiko Teknologi Parkearekin sinatuko duten akordio hau.

Akordio honen bitartez unibertsitaea Bizkaiko Teknologi Parkearen kapitalean sartuko da: Leioan dagoen eta Bizkaiko kanpusari dagokion EHUren lurralde bat erabiliko dute 75 urtez.

Isabel Celaak azaldu duenez, Eusko Jaurlaritzak 9 milioi emango ditu parkearen urbanizaziorako eta beste 13 milioi eraikin zentrala eraikitzeko.

Era berean, Hezkuntza, Unibertsitate eta Ikerketa Sailak beste 13 milioi euro emango ditu beste erakin bat sortzeko. Horretan EHUk ikerketa arloa garatzeko eta enpresa berriak sortzeko plataforma teknologiko bat jarriko du.

0 iruzkinak: